竹日門

原本去元朗只係隨便閒逛，點知吾一路食吾停。

元朗知名食店：好到底麵家

真係好好味，麵夠彈牙，肉夠入味，真係連湯到飲到底

已經好少見到，即叫即煎的班戟王，好味道！

B仔的什果涼粉有兩種，一種係用罐頭什果，有個「鮮」字那種才是用新鮮生果。這就是鮮什果涼粉。

天氣未凍，街頭炒栗子就出現了。未穿過隧道，已經聞到那種獨有香味。伯伯嬸嬸對著火爐，用力的炒呀炒，真辛苦。這種街頭炒栗子買少見少，再過幾年，可能失傳，後生一代只能買到預先包裝好的即食栗子。那種風味和味道完全係兩碼子事，不能比較。能夠遇上，要幫老人家買些，尊敬他們的辛勞，享受少有的街頭小食。

炒栗子

第一次認識到「爭鮮」係在地鐵站，我放工會經地鐵站隧道過馬路，係鑽石山地鐵站開了一間「爭鮮外帶壽司」，專做外賣，$3/件，睇落好新鮮，好多人買，經常大排長龍。不過，我沒有買過。

近日知道在屯門開了分店，不是做外賣，而是「爭鮮迴轉壽司」，今日午餐去了試試。壽司店門口多數都好多人等位，他們的做法幾好，大家排隊，不用爭先恐後。排隊位有告示，碟碟$8，每位限食50分鐘。排隊便不用等太耐，因為食客夠鐘就要走。平時食午餐也不會用50分鐘，不過寫明有時間限制，心理上好像很趕似的，大家都食得好快，一碟接一碟。壽司款色夠多，不會只得三四款。迴轉帶上的排列會分為「三文魚」，一排十多碟都係三文魚；「手握壽司」就一排十多碟都係不同款的手握壽司；「軍艦」就一排十多碟都係不同款的軍艦壽司；仲有小菜及甜品等。連剌身也有，一樣係$8。

價錢吸引，食物新鮮，服務態度良好。走時問店員，如果我過了離場時間會如何，店員小姐笑笑口，細細聲答：「其實無問題。」付款時我選擇EPS，但收款員小姐，看來是剛中學畢業，碌了VISA。她要我簽名時，我問點解要簽名，我用EPS。她呆了的望著我，我講多次係用EPS，她竟然問我甚麼係EPS。到我呆了，她向另一位男店員查問甚麼是EPS，他回答不收EPS，只收VISA/Master/現金。因為好多人排隊付款，我不追究了，簽名走人。就算不懂甚麼是EPS，當時我說要用EPS付款時，為何不問我，而直接用了VISA呢。

我喜歡榴槤，每年到這時候開心死了。這個係吉之島買的「泰國寶石球榴槤」，在做特價$39.9/個。好香好甜好有榴槤獨有的味道。回味無窮。

之前睇雜誌介紹，有種新生果，係大樹菠蘿和榴蓮接技的，名叫「尖不甩」。去一田百貨買來試下。果肉細細粒，質感似有點似榴蓮，無臭味。果汁和甜味和大樹菠蘿一樣，仲更加甜，甜味好濃。如果吾講，會以為係濃縮了的大樹菠蘿果肉。不講不知和榴蓮有關。

以為會見到牛牛，沒見到，羊倒是有幾隻。不是真的新鮮「揸」出來，係雪櫃拿出來的。星期日好多人，有開車去的，有踏單車的，我最環保，步行入去。警察真辛苦，星期日還在郊野公園抄牌。星期天好太陽，係山上走一圈真舒服。

$35有飯有湯(仲要任添)有菜，雞有海南雞、咸香雞、口水雞。我選了海南雞，夠入味夠滑。份量夠飽。小食店，只有幾張檯。老闆好好人，逐個客人問意見，店子新開張，肯聽意見一定有進步。