星期日返工前出深水埗黄金高登，睇外置硬碟及PowerLine Ethernet。兩樣我都有睇中，但等月尾有錢再算。
晚飯在飛鷹餐廳食牛扒，好味。還有時間便在鴨寮街逛，睇了幾部收音機，發現德生R9700DX，之前在網見到很多人話這部好，但在香港很少地方有售。
拿上手試試，制作成品質素好，按鈕實淨。不用拉出天綫巳經接收良好，特別試聽港台五台，這個台好難收得好，一樣不需拉出天綫便接收到。$288，不算特別貴，普通一部有牌子收音機都過百，德生可是國內馳名品牌。
↑有火牛，還可以為內置四粒充電池充電，可惜是國內兩腳頭，香港用不到。
↑短波外接天綫，可以接收國際短波廣播。
↑精美保護套，方便外出攜帶。
↑打開背面支撐架，可讓收音機傾斜放置在桌上。
頻率窗口有照明燈，方便夜間調頻。R9700DX接收能力優良，不易受干擾，音質清晰，音量強勁。這是我購買過最滿意的收音機。
人生就是這樣有趣。一心到腦場買電腦產品但沒有買到，無心插柳竟然買了不在預計中的收音機。
現在聽 AM頻道都是在網上聽了，很少用收音機。不過有時間我都會留意一下。
按讚數按讚數
其實好想香港都可以加快改用數碼制式用係電台廣播，咁就去到邊都可以收到質素好的電台廣播
但好似港台做完測試之後就無曬聲氣
按讚數按讚數
我都好想。
港台再想都好，但係政府睇來無咁意思。
按讚數按讚數
睇了你的 post, 去咗鴨記, 要走到街尾先搵倒, 好正, 你知唔知 BBC的channel ?
按讚數按讚數
BBC的短波表在這：
http://www.bbc.co.uk/worldservice/schedules/internet/800/radio_frequencies_south_east_asia.shtml
按讚數按讚數