香港Mac店令人失望

2000年開始用Mac機,當時香港售賣Mac機的地方不多,主要係銅鑼灣皇室堡,我兩部iMac都係在那兒買的。近年多了售賣Mac機、iPod、 iPhone的店,大型連瑣店都有售。但店員對Mac機的認識實在太差,不知道有否培訓。其實不知道詳細資料不緊要,查清楚再回答客人,甚或直接答不知也可。但我多次見到店員亂說,更有嚇客人的情況。對於愛Mac的,見到不能把Mac機推廣,還嚇跑想加入的新人,真係傷心。

我走進Mac店,喜歡扮吾識問店員問題,只有一半可以解答到我,多是專門店內的店員,連瑣店多數不懂。例如我問轉用Mac機後有冇Office,店員叫我安裝Windows,我問沒有Mac版嗎?他肯定地答冇,要office就用Windows。奇在店內有售Office for Mac。

最近一次係星期六,在旺角一間專賣Mac的店。一位中年男士查問iPhone可以連接多少部電腦,店員答只可以連接一部。男士問如果電腦壞了怎麼辦,店員輕佻地答「咁你死啦!乜都無曬!」嚇到位男士窒一窒,轉頭走了。就算無用過iPhone,只要有電腦常識,或者想推銷商品都好,無理由咁答。

不過就算係Apple Inc. HK都吾見得好好。新購的MacBook Pro,iTunes的視窗不知何故長度大於畫面能顯示的,令到下半部在畫面之外,老鼠未能按到右下角,所以不能變更視窗大小。打電話去Apple Inc. HK問,職員叫我下載iTunes重新安裝!不明白一個視窗大小問題,竟然要重新安裝才可以解決?

我在Google上找到答案,只要按著“option”同時click左上角綠色“+”便可回覆正常視窗大小。職員是要我等了好耐,查了資料才回答的,但答案還是錯。Apple Inc. HK的職員對自家產品的資料也不清楚,也實難怪零售店的店員了。

好多時Mac有問題,自行Google,或到討論版求救,比向Apple Inc. HK更有效。

5 thoughts on “香港Mac店令人失望”

  1. 對呀
    所以我都好無奈…

    搵一D唔識(巳經唔係講緊「熟唔熟」)件product嘅人去做sales,即係倒自己米。

    我都見過唔咩都唔識嘅sales,不如我sale返俾佢好過!

    p.s. 如果我時間許可都有諗過做一個有料嘅sales,不過就係無時間…邊有sales工唔駛返星期六日架…

    按讚數

  2. 按著“option”同時click左上角綠色“+”便可回覆正常視窗大小 <— 我搵左好耐都唔識點整,今日係你個blog 度學到,真開心。

    按讚數

  3. Kansir:無意中google 到你,我都係wordpress開blog。

    http://tonyli.hk

    我玩Windows好多年,剛開始轉iMac,只嘆相逢恨晚!賜校賜校!

    其實依家d CS好屎,我以前WM Phone有小問題打去CS問,就叫我重新flash個ROM。好多CS都係揸住本Manual跟standard procedure讀比你聽,哂時間,google好過。

    按讚數

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s