KING KONG

剛過去的星期一、二都是假期,當然不可白白浪費。星期一和家人去了工展會,真是熱鬧非常,逛了整天呢,回家後好疲倦。:lol:

星期二到旺角朗豪坊睇《KING KONG》,188分鐘的精彩電影。電影可分為三部份,第一部份是人物介紹、劇情交待,導演、女主角、編劇及其他人為何走在一起乘船出海。第二部份是到達荒𡷊:骷髏𡷊,這是個甚麼怪物也有的荒𡷊:KING KONG、恐龍、各式各樣的巨形昆蟲。明知是假的,明知是電腦CG,但就好像真的有恐龍在奔跑、KING KONG和恐龍打鬥、巨形昆蟲群起襲擊人類。特技的最高境界是真假難辦,《KING KONG》做到了。看到KING KONG和恐龍打鬥時好緊張,看到巨形昆蟲食人時好嘔心。第三部份是KING KONG被活捉回紐約,其實KING KONG是十分驚慌的,牠只想找回女主角,所以在街上捉起金髮的女人,但牠最後被 . . . (想知,買票入場睇:wink:)《KING KONG》是一套好電影,我向大家推薦。

睇完電影無行街,又係去了 十大書坊睇漫畫。正在追看20世紀少年,巳經看到第十五期,好緊張呢:shock: 每次上去都坐幾個鐘,真想他們換些好點的坐位,現在的坐得不太舒服

今日知道原來《大富翁 Monopoly》也推出手機版,立即下載到我的SE K700,畫面做得不錯,這可是Kill Time佳品:cool:

WordPress 2.0推出了,要手動升級,而升級前有好多事要留意及準備。我巳經打印了相關文件方便邊看邊做,但要等放假有空時一次過完成。

菠蘿油+奶茶



菠蘿油+奶茶
Originally uploaded by Kansir.

今日長周要返半日工,lunch去食清湯腩,好好味:wink:

我好喜歡王宛之的新大碟《I love my name》,看資料才知原來這是王的第二張碟,約半年前巳經推出了首張同名大碟。今日行街時順道去唱片店購買,好彩找到,得最後一張:grin:

行到倦,最好當然係食個下午茶,而最佳港式下午茶組合當然係菠蘿油+奶茶:cool: 原本無計畫下午茶,我係去巴士站坐巴士回屯門的,但去到巴士站時睇著960開走。送車尾要等好久,所以走入去巴士站隔鄰的檀島咖啡食個下午茶。阿哥給我的評語是:「甚麼都拍一餐」,所以我食下午茶都拍張照留念:razz:

今晚有時間可以睇李克勤張DVD,我係iMac睇,無5.1 surround sound。最奇係播吾到第一首《十年前後》,每去到兩分鐘打後便會hang,其他track無問題,試過3次都一樣,我睇過隻碟又無花。想用另一部DVD機試試,如果有同樣問題便拿回店舖換。但去那兒找另一部DVD機呢?

後來我想起巳經給我打入冷宮的XBOX,它可以播DVD啊!在櫃內找它出來,接好線開始播《十年前後》竟然無問題,試了3次都OK。真奇怪,點解係iMac播吾到呢 ❓ ❓ ❓

%d 位部落客按了讚: