失望晚餐



N.Y.吃透透之亞洲胃
Originally uploaded by Yuhsin.

今晚返工夠鐘放食飯,日日出街食都吾知食甚麼好,心血來潮想食鐵板餐,記得近海邊那間龍x茶餐廳鐵板餐幾好的,很久沒有去過,今晚就去那兒開餐。

真係好耐冇去,連裝修都變了。我要鐵板西冷牛扒,點知阿姐話西餐係得set diner那三個。咁奇,荼餐廳得三款西餐?咁算數,我叫中餐,見餐牌有羊腩煲,見今日天氣凍食個羊腩煲都好,點知阿姐又話這個時候冇羊腩。這是甚麼茶餐廳,冇就吾好寫係餐牌啦。

有位阿哥過來介紹我食牛腩煲。點知個煲少於三份一係牛腩,其餘都係牛筋,食得兩條都覺肥膩,吾通佢地知我條筋有事,特別整個牛筋煲過我?不過我真係食吾到咁肥膩,而那幾粒牛腩似橡膠,飯就又生又硬。

今個晚餐好失望,早知去食漢堡飽好過。

COKE vs COKE ZERO



It actually tastes like coke. Rock!
Originally uploaded by sevitzdotcom.

開台去廁所時間講美國的零系可口可樂廣告,真係幾有趣。原味可樂要告零系可樂侵犯了「味道專利」,還要問律師的意見,睇個律師個樣就搞笑啦!

去廁所時間podcast MP3
COKE vs COKE ZERO廣告

冰燒蕃薯



冰燒蕃薯
Originally uploaded by Kansir.

今晚無煮飯,用冰燒蕃薯代替。百佳購買,一盒三粒。巳經煮熟,解凍後可以即食當冰點,或用微波爐加熱三分鐘熱食。

我把其中兩粒加熱,留一粒冰食。冰食感覺有趣,吃起來像冰淇淋;熱食就傳統一些。香甜好味,食用方便。

南蓮園池



南蓮園池
Originally uploaded by Kansir.

在狗年的最後一天,和家人到南蓮園池參觀,池內有很多美麗的花木園景外,石頭也是一絕。我們在園內享用了齋菜,一湯四菜,白飯白粥任添。在鬧市中有此清靜之地,有花鳥園林外,還可享用齋菜,實在是假日好去處。

拍了些照片,可到我的相簿觀看

%d 位部落客按了讚: