香港人睇電視的麻煩事

TV box

早前係「科技吹水台」上吐苦水講及香港人睇電視或視頻網站的麻煩。免費電視台無甚麼好看,廿四小時新聞更只有無線。我的樂視盒子會藉到期了沒有續約,想看中港台新聞、電視劇(國劇、美劇)、綜藝節目就只好大海撈針,四處找找看不看到。視頻網站有好多精彩內容,可惜就算我肯畀錢,都因為地區限制而無法享受。😭

不知何時樂視盒子多了個「中天亞洲台」,可以看到台灣新聞。我自己安裝了「電視家」來看國內電視台,另外用其自定義功能自己加上「鳳凰資訊台」來看國內及國際新聞。用樂視盒子的瀏覽器看NOW新聞。安裝「千尋」來看電視劇及綜藝節目。

用不同的方法來看電視,要按來按去係好麻煩,但這是我暫時找得到的方法,也不知可以維持多久。

科技吹水台
想講吓香港人睇視頻的麻煩事。
首先講新聞。我吾想再睇 #TVB,但屋企冇收費電視,也不想在家中安裝個盒,怕拉線、怕麻煩。#NOW新聞 app 有直播,可以用 #AppleTV 放上電視睇,現在都係咁睇新聞。
最近才知 #有線新聞 app 也有直播但需要收費,登記免費試用30天的網頁冇提及之後的收費。我照網頁上的電話打去問,將我轉去另一個電話,但對方話應該係之前的職員答。轉來轉去三、四位職員,仲要等幾個鐘之後才答到月費$78😡有線服務咁差,點同NOW爭?
近日大家都在討論 #Westworld,#HBO GO app 香港都有,月費好似係$80。但就算畀咗錢都只可以係 #iPhone or #iPad 睇,吾可以用 Apple TV 放上電視睇。有冇搞錯!畀咗錢仲要有限制?最後我「用自己的方法」免費睇😛
大陸好多綜藝節目、電視劇都幾好,但有地區限制香港睇吾到。最近發現 #愛奇藝 iOS app 會員收費標價係用港幣,當中部分視頻係冇地區限制。我在追「坑王駕到」,每星期日「說書」一小時。#郭德綱 老師重現傳統「說書(即係講故仔)」藝術。
下一套有興趣追的電視劇係 #Netflix 的 #TheCrown,講英女皇的,睇評論好似吾錯。
點解香港人想睇電視都咁麻煩,就算肯畀錢睇正版都仲要多多限制

 

Teclast Tbook 11

跌爛 iPad Air 之後需要購買新平板,最簡單當然係買新 iPad,不過我 budget 有限,加上想玩新東西,心思思下買了一樣沒有玩過的新玩具:Teclast Tbook 11

台電科技雖然有個「台」字,但不是來自台灣,而是中國的。Windows 10 + Android 5.1 兩個操作系統;跟機有 Keyboard,可以當 laptop 用,拿起來就當 tablet 用。

我想要部平板來看網頁、看新聞、看視頻,這些功能 Teclast Tbook 11 都能做到,不過 user experience 和 iPad 當然相差好遠,操作速度慢、觸控反應慢等已經無得比較。不過考慮到價錢才 iPad 的一半,可以接受。

Windows 10 的 user experience 不太好,用 Desktop mode 時 keyboard 不好用,反應慢,用 Tablet mode 時觸控反應慢。這些應該和硬體配套有關,系統本身其實係 OK 的。不過 Windows 10 耗電量好大,電池好快用完要充電。

在 Teclast Tbook 11 上用 Android 5.1 感覺好好,操作流暢,反應夠快。不過 Android app 沒有為 10.6” 作適當調整,所以 App 看起來都好醜陋。如果比較起來,Windows 10 靚好多。

出咭式磅重機

今朝係荃灣南豐中心二樓大家樂後門,見到一部「出咭式磅重機」。好耐無見到這種舊機,想當年我還是小孩子,多數在戲院大堂會有一部,就算不是去睇電影,有時也為了磅重而去,感覺好好玩。站上去後,中間窗戶內看見那個圓牌轉動,跟隨有一張咭跌出來,上面寫上磅數。

可惜機械暫停,真想再來一次磅重。

   

       

 Apple Watch: 電子玩具?手錶?

終於,蘋果正式推出了  Apple Watch,價錢由 HK$2,728 到 HK$129,800 😳

我不知道如何為 Apple Watch 定位,如果當為一件電子玩具,十多萬太貴了吧,不但電池一般只有數年壽命,就算可以拿回去蘋果更換電池,當中的電子零件也會老化。兩年正常運作應該無問題,四年後應該會開始老化了吧,我懷疑能否正常運作超過5年、10年。如果能夠花得起十多萬,真正的手錶也有好多選擇吧?

我接近廿年前買的精工5號手錶,是最平宜的款式,價錢不記得清楚,只係數百元那種。機械錶不用電池,就算放在櫃內多年,只要戴上手便會動,歷久常新。保養得好,我相信可以陪伴我一世。

精工5號
精工5號

如果把 Apple Watch 定位為一件 gadget、一件電子玩具,過萬元已經好很貴了,還想賣幾萬元、甚至十多萬?電子潮物轉變得好快,一、兩年便會推陳出新,將會有更多更好的電子玩兒出現,而我不認為 Apple Watch 可以保值,數年後賣出去可以收得一個好價錢。花幾萬元買一件數年壽命的玩具雖然大有人在,但不會是多數市場吧。

我仍然看好 Apple Watch 的銷售,單是  的標誌便值一定價錢,我相信萬元以下的款式會大賣;萬元以上款式會是那些錢多無地方花的人買吧;十多萬的款式,我懷疑銷售量會是多少?

不知道你會把 Apple Watch 當成為電子玩具還是手錶呢?

Apple Watch
12萬的 Apple Watch!? 你有冇興趣?
%d 位部落客按了讚: