旺角街頭2男爭女事件 千人圍觀失控 最後警察出馬

轉載至 : 2000fun(http://www.2000fun.com/discuz/viewthread.php?tid=994055&highlight=&page=1
====================

戰地記者報導^.^
2月15日5:00 p.m.
-------------------------

今日補完習, 行經旺角潮特附近中南果陣
見到勁多人係到圍, 仲影緊相,以為係明星
點知係2個男仔爭女= ="
後黎愈睇愈激, 成千人圍住佢地, 又係咁走黎走去, 勁好睇好好氣氛
後黎警察都出埋= ="

雖然好似件小事…但唔知點解勁哄動, 成個旺角亂七八糟
因為今日情人節, 係旺角呢D 咁多人既地方發生d 咁既事
賴尿都變海嘯啦…
———————————————————————–

時間:2月14日6點30分-7點45分
地點: 中南—> 漢榮

話說有一個男仔A, 佢約左個女仔今日出街
個女仔就話今日唔得閒
跟住係旺角街頭,個男仔A就見到個女仔同男仔B 一齊wor
就即刻開片
第一交戰地點就係中南對面, 男仔A大聲呼渴男仔B,並質問該名女子
由於男仔A配上粗野動作,加上叫聲震天,惹來途人駐足觀看

2名男子爭吵激烈,途人逐漸圍攏成一圓圈
由於圍觀者為數不少,不少無知途人(我 = =) 以為有明星出現,在好奇心驅使下也圍了去, 於五分鐘內由起初十數人增至百多人

戰地記者增加報導: 於本記者到達時( 約有30人觀看時) , 圍觀者中已有人拿出相機向有關人士拍照
而後來情況更加混亂, 大量圍觀者拿出手機及相機拍照
實在令人費解

圈內兩名男子似乎渾不知情
此時有一群"金毛人士" 出言挑釁, 令兩名男子怒火上升
據稱兩名男子互有推撞,男子A並和挑釁分子發生口角
但並沒有打鬥事件

後來女方看見情況後便欲從人群中逃走
由於圍觀者眾,十分擠迫,令情況一度失控
女方此時拉著男仔B逃走不遠,便被男子A 追及
男子A 此時發出愛的宣言,
令在場人士為之瘋狂叫喊
無奈女方毫不領情,不停逃走,男子AB 分別在後追趕
於人叢中展開追逐戰
而一群撩事生非分子也從旁吶喊助威, 圍觀人數所組成的圈, 足令整條街道從中腰斷, 場面壯觀之極

後來男仔A 在人群幫助下,成功截停男仔B 及女子
並拉著女子之手並對其細語
男仔B 無奈的站在一旁
旁觀人士不停的叫喊助威,
令情緒推至極點
而挑釁分子也不停的呼叫"咀佢咀佢"
令場中心的主角極度混亂

經過一輪戰鬥後
情況突生異變, 女子竟和男子A擁抱在一起
男子B 驚見惡夢, 慘欲昏倒, 旁觀者也歡呼震天
然而以上各種情況也無法減退場中擁抱男女之情緒

男子A 後來和 男子B 說了一些話
男子B 呆在當場
男子A 便握著女子從人群中離去
正當男子B不知所措時, 挑釁分子又在旁挑釁
不停地說"追佢啦!" “係唔係男人黎ga?" 而且粗口不絕,
令情況甚為混亂
而圍觀者也在助開路, 男子B 勇往直前追回女子及男仔A

但由於男子A 已和女子走去甚遠
戰場一已由中南更改至戰場二 — 戲院外
而此時男子B 也出盡法寶令女子回心轉意
但看來成效不大
男子A 也冷言地說: “得啦, 佢知你既愛ga la,byebye"

正當男子B頹喪欲死之際
此時一名男子—代號男子C突然出現並指著男子B臭罵
此男子C 猶如從天而降一樣,聲大夾惡,並看似理直氣狀, 令人為之側目
從男子C所說內容可估到, 該男子C實屬女子之前度男友
但分手已久, 看見此事件後,不禁指罵男子B , 說他沒有勇氣, 並說"
我已經試過無左至愛既滋味,我唔想見到你都係咁!"
由於此人之聲線過大,令旁觀者不禁靜了下來
男子B 此時有點猶豫
而男子C 和一群挑釁分子則開路
男子B 繼續追回女子及男子A

此時事件已到達尾聲
同一條路在漢榮對開左右(近則邊地鐵站), 三人繼續糾纏
正當擾攘不堪之際
警察叔叔出現了^O^

此時圍觀者實不下千人之眾,但只有三名警員到達
而此時三名警察到達當事者旁,
並似乎有所行動
而男子B此時怪叫"差人你唔係想拉我呀嘛?"
女子此時也驚叫一聲
男子A 此時怒罵一聲,說道"今天情人節, 他們三人此乃私事…" 云云
在場人士不值警員所為
不停叫罵叫囂,
場面一度混亂
而此時場內警員控制不了場面,並看似要求增派人手
此時場內主角仍在糾纏不清
旁觀者無視警員, 繼續吶喊助威
粗口不絕於耳

後來到場警員增至15名左右
但情況仍未見起色
警員此時強把男子B 拉至一旁問話
女子和男子A 則在細細商量
而警員此時也不停開路
但開了路又被阻擋, 在場擠擁不已, 實在無路可退
後來再多五-十名警員到場, 包括一D 高級警察及交通警= =
不停地開路
而此時女子突發脾四, 話男子B 唔見左, 又唔肯去差館, 又大叫話情人節,這事件乃私人性質,
差人無權過問
更新一: 當時圍觀者極眾,議論紛紛,此時有人認為警察介入三角戀(呢句果陣勁多人叫,笑到死)
此時差人認為此情況會進一步惡化,便要求二名男主角停止"角逐女主角", 但所言無效, 當時對話如下

差佬:
你地咁樣搞會搞到有意外嫁

女子(大叫):
我唔覺會有意外…大家!你地控唔控制到自己既情緒呀

全埸:
控制到 wowowow~~~~

差佬(啞左):
…….

d差佬無聲出果野激抵死
旁觀者繼續高喊助威
此時警方把男子B 帶回中心
並主力開路
擾攘一輪後終於開路成功
而男子B 更向在場人士呼籲
(更新二)"今日情人節,我地有d感情上既瓜葛,我地唔係引起咁大既哄動,希望今日件事唔會影響左大家既情人節氣氛,亦都希望大家唔好對警方有咩誤會"
歷時一小時十五分鐘的鬧劇終告一段落= =
====================
另有人拍了三段視像片段:
視像一 http://ice_yeung90.sinacool.com/1.avi
視像二 http://ice_yeung90.sinacool.com/2.avi
視像三 http://ice_yeung90.sinacool.com/3.avi

First Xbox Live Baby!

原本上XBOX網找資料,無意中看見這段新聞。兩個吾相識的人一起在XBOX LIVE上玩遊戲,玩玩下就結婚,仲生baby。媽咪大肚時影的相,個肚仲有個XBOX logo,現在Baby一出世就有自己的Gametag : NoahJamesPitts(用來玩XBOX LIVE的!),以及一部特別版XBOX!

相關連結:First Xbox Live Baby!

送猴迎雞

今日係大年初一,不過我都係要返工。西貢大部份食店都關了門,早餐在知名的食店 ﹣McDonald,午餐就買7-Eleven的飯盒,加六元有椰子煲雞湯,幾好味,好清沒有油,有幾片椰子,幾粒瘦肉,幾粒雞。總結今日公司內好平靜,放假返工都幾好,不用去拜年,我最怕!

Go Daddy 廣告被否決

GoDaddy是我註冊域名的公司,他們今年第一次在Super Bowl賣廣告,不過就給電視台否決了,為何電視台吾做他們生意?
Go see GoDaddy’s Super Bowl ad!
(Right click the link and save the target file to your harddisk.)

我就是喜歡GoDaddy

全部其他的Super Bowl廣告片(包括被否決的),用了一小時把全部都看過,沒有什麼特別好笑的,不過記得一定要睇CareerBuilder那三個,看完後令我想起公司的同事 …

The Incredible

食完早餐便出了街,去了中央圖書館睇書。
之後會合朋友食下午飯,飯後係銅鑼灣JP睇“The Incredible”,聽聞係PIXAR和Disney合作的最後一部電影。
電影前有短片睇,講隻羊原本好開心快樂,後來被人剃了全部毛,之後變得好吾開心,悶悶不樂。有隻兔仔經過(吾知點解隻兔有角?)開解羊,羊後來又好開心,仲跳舞。(跳舞就代表開心?)
講回正題,超人特攻隊好好睇,超人都會被人告,仲要失業無得再做超人,要參加「超人洗底計畫」過普通人生活,不過超人好懷念以前的光輝燦爛。
之後係點?買票入場睇啦!

%d 位部落客按了讚: