齋啡一滴奶

茶餐廳係一個人性化的地方,不像連鎖快餐店用電腦,如果餐牌上沒有就買不到。茶餐廳好多食物飲品都係餐牌上沒有的,只要你叫得出,佢哋都會滿足你。今朝食早餐時聽到一位阿姐叫了杯「齋啡一滴奶」☕️

「齋啡」即係咖啡不加奶,但落了「一滴奶」後還能叫做齋啡嗎?不知道那位阿姐係如何想出這種飲法,當中的一滴奶有何神秘作用。

相信「齋啡一滴奶」係比「茶走」更少人認識的香港茶餐廳神秘料理。

 

茶餐廳早餐
茶餐廳早餐

McCafe

去McCafe買杯Flat White,當時櫃台無人,等了一會有位後生仔過來,收完錢他突然蹲下,原來他在睇說明書如何沖咖啡。吾係呀!後來他直情把說明書放在台面邊睇邊沖。其他職員在賣漢堡飽,但無人過來幫他。可能他得罪人吧,但經理點解會安排一位不懂沖咖啡的職員在McCafe櫃台,真係吹脹。