特別的晚餐

平時帶飯盒返辦公室食,今日冇帶飯盒,不過又唔想正正經經咁去食飯,剛好發現荃灣路德圍開了幾間新店,就去食新嘢。

首先係「十八座狗仔粉」,聽過佢個名不過未食過;食咗火鴨脾及炸丸,都幾好味㗎。

之後去對面新開的多士店「KALA」,食咗件即叫即製嘅芝士多士,溶化了的芝士好好味。

咁樣食法其實比正正經經去食飯花嘅錢仲多,間中一次就幾過癮,經常咁食就唔得啦,哈哈哈。

 火鴨脾  
炸丸子  十八座狗仔粉  
十八座狗仔粉    
芝士多士  芝士多士  
 

泰興正宗潮州鹵味專門店

Twitter網友sidxx也是住屯門的,介紹新墟有間鹵味店好味。和老闆說是網友介紹來的,出示iPhone給他看,他笑得好開心。老闆細心解說鹵味知識,原來鴨有分大小,細鴨即係BB鴨,骨軟肉嫩,但脂肪多,如果吾食肥去皮就無肉食。大鴨肉多鴨味重,做鹵味較入味。

向老闆請教回家後翻熱方法,用微波爐會好乾,放入電飯煲又好濕。他教把盒的一邊切走,這樣便可以把鴨完整推落碟。用鑊煲水,水滾關火放入鴨在水上,把兩包汁放入水內,關蓋用水的熱力把鴨和汁都暖和,五分鐘便可。

老闆好好人,請我食鴨心,原隻放入口中,一咬便滿口都有汁。仲有腸,由一整條三、四尺長的腸「套」成的,店員話好考工夫手勢,除了老闆,只有幾位工人做到。還有「醉」鴨掌,有酒香但食入口不會好重酒味。

大家去開屯門新墟,請到「泰興正宗潮州鹵味專門店」,他們的食物真的好好。

%d 位部落客按了讚: