iPad 2 的副作用

Steve Jobs while introducing the iPad in San F...
Image via Wikipedia

買了 iPad 2,真係好用,畫面夠光夠靚,喇叭出奇地大聲靚聲,起碼比起 MacBook Pro、iPhone 3GS,冇諗過可以咁好聲。

iPhone 3GS 的電力耐用了,因為好多工作娛樂可以係 iPad 2 完成,令 iPhone 3GS 的工作量少了。以前半日已經無電,現在可以用一日。

iPad 2 的電池續航力真係要一讚,比想像中仲要強。充滿電力可以用一整日,如果用量少,仲可以用兩日。比 iPhone 3GS 半日就冇電,一定要買備用電不同。現在連用 MacBook Pro 時都總係覺得好快無電,雖然她的電池已經係筆記簿電腦中算係好好。

iPad 2 係可以代替電腦九成工作,雖然無 Flash,但好多網站也會出 App。例如 YouTube、土豆蘋果動新聞等。所以冇影響之餘,仲有更佳表現。暫時覺得係需要大量用鍵盤輸入的工作,用輕觸總係不太好。

華為 Huawei E583C

因為Smartone-Vodafone上網手指壞了,但合約還有大半年,要自行買modem用。以前都有留意pocket wifi,買前再問問意見。最後買了華為 Huawei E583C。外形四方輕身,插入SIM卡便可上網。操作簡單到吾信,可以不做任何設定便用,但建議改SSID及密碼。

用iPhone 3GS以3HK上網,和經E583C以Smartone-Vodafone上網,做速度測試,真係一面倒SMV全勝。雖然要攜帶多一件裝置,也要為多一件裝置充電,但因為E583C可以同時給5個裝置上網,實用性較高。電腦也可以省回一個USB埠給其他用。

雖然買新玩具有尐開心,但無端端係冇預計下要花錢,打亂我的計畫。近日繼iPhone壞相機,好在有AppleCare可免費換機,跟著壞手指,希望不要再有東西壞,要我再花錢就好了。

最好的相機就是你手上那部

iPhone相機壞了兩日,深深感受到iPhone的方便。見到甚麼,隨手拿出來便可以拍,雖則其拍攝質素不及數碼相機,但方便程度真的可以蓋過。隨想、隨拍,上網分享一氣呵成。

以前攜帶數碼相機,拍大量相片視頻,要等到回家,把相片視頻傳到電腦。處理後才上載分享。雖則相片視頻質素係好,但就沒有了即時分享,再得到回應那種「快感」。現代人習慣了高速,甚麼也要快。Blog少了人寫,Twitter, Facebook及微博大行其道便可見一斑。

The Best Camera is the One That’s With You™
– thebestcamera.com

今早放工等巴士時,曬到我頭暈的太陽,隨手拿出iPhone拍下這張相片,按兩下便上載了。那種方便是數碼相機所沒有的。

早晨,天氣多好。

%d 位部落客按了讚: